Women’s Month 2014, Ipinagdiwang

Women’s Month 2014, Ipinagdiwang

Pinangunahan nina Mayor Justin Marc SB. Chipeco, Vice Mayor Roseller H. Rizal, mga miyembro ng Sangguniang Panlungsod at Department Heads ng Pamahalaang Panlungsod ang paglulunsad ng month- long Celebration ng Women’s Month 2014 na may temang “Juana, ang tatag mo ay tatag natin sa pagbangon at pagsulong” na ginanap sa Calamba City Hall sa pamamagitan ng pagharana at pagbibigay ng mga bulaklak ng mga kawaning lalaki sa mga kawaning babae na ginanap noong Marso 3, 2014.

Nagbigay ng kaalaman ukol sa kasaysayan ng pagkakaroon ng Women’s Month Celebration si IIPESO Head Mr. Peter C. Capitan, na nagsimula noong 1970 nang kilalanin ng United Nation ang pagkakaroon ng International Women’s Month. Sa ating bansa, ito ay nagsimula noong 1988, sa bisa ng Proclamation No. 2024 at 2027, na naging ganap na batas noong 2010 sa bisa ng Republic Act 6949, ayon pa rin kay Mr. Capitan. Nagbigay rin ng kani- kanilang mensahe bilang pagkilala at pagbibigay pagpapahalaga sa mga kababaihan sina Mayor Justin Marc SB. Chipeco at Vice Mayor Rosseller H. Rizal. Ayon sa mensahe ni Mayor Chipeco na marapat lamang na ipaglaban ng mga kababaihan ang kanilang mga karapatan, pagkakapantay- pantay ng lalaki at babae at labanan ang diskriminasyon against womens. Bumati rin si Mayor Chipeco ng Happy Women’s Month sa lahat ng mga kababaihan. Binati naman at kinilala ni Vice Mayor Ross Rizal ang Gender and Development Council dahil sa mga programa at proyekto nito para sa mga kababaihan (c/o Radyo Calambeño). Bukod sa mga bulaklak, tumanggap rin ng mga chocolates na regalo ang lahat ng mga kawaning babae handog ni Mayor Chipeco.

Ipinakilala rin sa publiko ang mga naggagandahang Finalist Contestants para sa Mrs. Gandang Buntis 2014 na ang Grand Coronation Day ay sa March 14, 2014 sa SM City- Calamba.

Ang ilan pa sa mga programa at proyekto kaugnay sa month-long celebration ng Women’s Month 2014 ay ang mga sumusunod; Pampering Moments sa DILG Conference Room- March 3, Free Blood Chemistry Schedules: March 3, 7, 10, 14, 17, 21, 24, 28 at 31 sa Calamba City Hall, Mrs. Gandang Buntis 2014 Grand Coronation Day- March 14 sa SM City, Free Notarial Services for Solo Parent- March 3- 28 sa City Legal Office, Sports fest for Civic Society Organization- March 28 sa The Plaza, Solo Parent Dinner Date with Mayor Timmy Chipeco sa March 31 na may temang “Katuwang mo sa inyong pag-iisa”, Culminating Activity at Physical Fitness sa March 31.

Ang lahat ng mga programa at proyekto kaugnay sa pagdiriwang ng Women’s Month 2014 ay inihanda ng Gender and Development Focal Point System, na handog sa mga mamamayan at kababaihan ni Mayor Justin Marc SB. Chipeco at Sangguniang Panlungsod. 

LOUIE LANDICHO/www.calambacityinformationoffice.blogspot.com

48th Fire Prevention Month 2014

48^th Fire Prevention Month 2014

Pinangunahan nina Mayor Justin Marc SB. Chipeco, Vice Mayor Roseller H. Rizal at City Fire Marshall Chief Inspector Gerrandie Agonos ng Bureau of Fire Protection- Calamba City ang mga paghahanda para sa 48^th Fire Prevention Month 2014 na may temang “Isulong ang kaunlaran, Sunog ay iwasan, Kaalaman at Pag-iingat ang Kailangan” sa pamamagitan ng isinagawang Fire Olympics 1^st at 2^nd Encounter noong Marso 1 at 7, 2014 sa The Plaza.

Sinimulan ang programa sa isang parada kung saan ipinarada ng Calamba City Fire Station ang mga Fire Trucks nito kasama ang mga Barangay Fire Brigade Teams at kanilang mga Muses na mula sa iba’t- ibang mga barangay ng lungsod at ang City Brass Band. Nagbigay ng panimulang mensahe si Vice Mayor Roseller H. Rizal, matapos nito ay ipinakilala ni City Fire Marshall Gerrandie Agonos ang mga kalahok at kanilang Muses sa Fire Olympics. Nagbigay rin ng mensahe si Mayor Justin Marc SB. Chipeco at kanyang pormal na binuksan ang patimpalak sa pamamagitan ng isinagawang ceremonial shooting of Water Target.. Nanumpa naman ng Oath of Sportsmanship ang lahat ng mga kalahok na pinangunahan ni Provincial Director Supt. Erlinda Tobias ng BFP- Region IV-A.

Dumalo rin at nagbigay ng mensahe si Supt. Reynaldo Lorenzo, ang Operations Manager ng Bureau of Fire Protection- Region IV-A. Ang mga kalahok sa Fire Olympics na ito ay mula sa mga Barangay Fire Brigade Team ng iba’t- ibang mga barangay, ilan sa mga civic society groups at ilan sa mga industrial sector ng lungsod.

Nagwagi sa Fire Olympics 2014 ay ang mga sumusunod; Industrial Category: Over- All Champion- Agchem Mfg. Corp., Over- All 1^st Place- TCB Royal Industries Inc., Over- All 2^nd Place- Samsung Electromechanics, Miss Fire Olympics 2014- Ms. Manila Cordage Company, Best in Uniform- Techlog Center Philippines. Barangay Category: Over- All Champion- Brgy. Sucol, Over- All 1^st Place- Brgy. Parian, Over- All 2^nd Place- Brgy. Looc, Miss Fire Olympics 2014- Ms. Brgy. Paciano Rizal, Best in Uniform- Brgy. Mayapa. Open Category: Over- All Champion- Philippine Streetwatch Inc., Over- All 1^st Place- Bagwis Riders Group, Over- All 2^nd Place- Kabalikat Charity Civic Communicator Inc., Miss Fire Olympics 2014- Ms. Kabalikat Charity Civic Communicator Inc., Best in Uniform-  Philippine Streetwatch Inc. Layunin nito na palawakin pa ang mga kaalaman at awareness ng mga mamamayan para ang sunog ay maiwasan. Nanawagan rin ang Calamba City Fire Station na maging handa at maingat upang ang pagkakaroon ng sakuna na sunog ay maiwasan. Kaugnay nito ay nagsagawa rin ng Barangay Fire Brigade Competency Training ang Calamba City Fire Station para sa mga Barangay Public Safety Officer ng bawat barangay noong Pebrero 25- 26, 2014.

LOUIE LANDICHO / www.calambacityinformationoffice.blogspot.com

Barangay Fire Brigade Competency Training, Isinagawa ng Calamba City Fire Station

Barangay Fire Brigade Competency Training,  Isinagawa ng Calamba City Fire Station

            Kaugnay sa maagang paghahanda sa Fire Prevention Month 2014 na may temang “Isulong ang kaunlaran, Sunog ay iwasan, Kaalaman at pag-iingat ang kailangan”, nagsagawa ng Barangay Fire Brigade Competency Training para sa mga Barangay Public Safety Officers ng mga barangay ng lungsod ang Calamba City Fire Station sa pangunguna ni City Fire Marshall Gerrandie Agonos sa pakikipagtulungan ng ISLA LPG na naganap sa 3^rd Floor Lobby ng Calamba City Hall noong Pebrero 25- 26, 2014.

            Ang training ay pagbibigay ng karagdagang kaalaman at kahandaan para sa mga Barangay Safety Officers ng bawat barangay ng lungsod sa kanilang pagresponde sa mga nangangailangan ng kanilang tulong sa panahon ng sakuna, na sinuportahan nina 2^nd District of Laguna Congressman Joaquin M. Chipeco, Jr., Mayor Justin Marc SB. Chipeco, Vice Mayor Roseller H. Rizal at ng Sangguniang Panlungsod. Ilan sa mga tinalakay sa training na ito ay ang mga hakbang ng pagbibigay ng Basic First Aid, tamang paghawak o pag-responde sa panahon ng mga emergency at iba pang mga crisis management procedures.

            Dumalo at nagbigay ng mensahe si Mr. Jeffrey Rodriguez ng Public Affairs Office. Ipinakilala naman ni CINSP Geranndie S. Agonos, BFP Fire Marshall ang mga nagsitapos sa nasabing pagsasanay kay Mayor Justin Marc SB. Chipeco. 

          

          Sa talumpati ni Mayor Chipeco kanyang pinasalamatan ang mga kalahok sa pagsasanay dahil dahil ito'y magagamit  ang kanilang mga kaalaman sa pagsawata ng sunog o anumang sakuna sa kanilang mga nasasakupan. 

                 Ang Pamahalaang Panlungsod ng Calamba ay laging nakasuporta sa mga ganitong programa na nakadaragdag ng kaalaman ng mga mamamayan lalo at  higit sa mga kaalaman kaugnay sa mga pag-iingat at kahandaan sa mga sakuna. Naniniwala si Mayor Chipeco na ang taong may sapat na kaalaman at kakayahan ay makakaiwas sa mga sakuna na maaaring dumating, sa ganitong paraan ay magpapatuloy ang kaunlaran at kaligtasan ng kabuhayan at mamamayang Calambeño.                    LOUIE LANDICHO / www.calambacityinformationoffice.blogspot.com

Dugo kong Alay, pang Sagip Buhay

Dugo kong Alay, pang Sagip Buhay

Walumpu’t- tatlong (83) Bags ng Dugo ang nalikom sa mahigit na pitumpung (70) Blood Donors sa Blood- Letting Project na may temang “Dugo kong Alay, pang Sagip Buhay” na handog ni Mayor Justin Marc SB. Chipeco sa pamamagitan ng Sectoral Affairs Office sa pakikipagtulungan ng Philippine National Red Cross- Calamba City Chapter at Association of Calamba Leaders (ASCALS) na naganap sa Calamba City Hall noong Pebrero 26, 2014.

            Mahigit sa isang daa’t- limampu (150) ang nakiisa sa blood- letting project na ito ngunit mahigit sa (70) lamang ang puwedeng makapag- donate ng kanilang dugo, ito ay dahil sa ang ibang donor ay pagod o puyat o hindi healthy ang kanilang dugo kung kaya ang iba ay hindi pinayagan na makapag- donate, ayon sa volunteer doctor na si Dr. Roel Justin Reoyan na nagmula pa sa Muntinlupa City.

            Ayon kay Ms. Millet Revano ng Sectoral Affairs Office, ang blood- letting project ay isinagawa dahil na rin sa kahilingan ng Philippine National Red Cross, upang matugunan ang tumataas na demand ng mga nangangailangan ng dugo sa ating mga kababayan. Ang pagdo- donate ng dugo ay nakatutulong sa donor na makapagre-generate ng bagong dugo matapos ang donation nito na nakapag-papaayos ng sirkulasyon o daloy ng dugo. Mabuti na sa kalusugan ay makakatulong ka pa na makapag- sagip ng buhay ng nangangailangan nito.

            Ang mga blood donors ay binigyan ng sopas at balot matapos ang donasyon ng dugo upang mapanumbalik ang sigla at lakas ng mga donors. Pinasalamatan ni Ms. Millet Revano ng Sectoral Affairs Office ang lahat ng mga donors at mga nakiisa sa blood- letting project na ito.

                                     LOUIE LANDICHO/ www.calambacityinformationoffice.blogspot.com

Kasalang Bayan I Do, I Do. Isinagawa sa Calamba City Hall

Kasalang Bayan I Do, I Do. Isinagawa sa Calamba City Hall

            Sa pakikipagtulungan ng Pag- ibig Fund, City Civil Registry Office, Public Affairs Office at ng Office of the City Mayor, isang daan at dalawang (102 couples) magkasintahan ang napakasal nang libre sa ginanap na Kasalang Bayan I Do, I Do sa Calamba City Hall noong Pebrero 14, 2014 sa okasyon ng Valentines Day na pinangunahan ni Mayor Justin Marc SB. Chipeco.

            Sa saliw ng mga musikang love songs na inawit nina Mr. and Mrs. Ruby San Diego ay isa- isang tinawag ang pangalan ng Bride na nagmula sa 2^nd floor level na sinalubong sa hagdan ng kanilang Groom, nagkaroon ng photo booth session, matapos ay magkasama silang nagtungo sa kanilang mga upuan sa City Hall Main Lobby, na ayon kay Wedding Coordinator Mr. Dick Mendoza ay ito ang romantikong bahagi ng Kasalang Bayan. Ang Homilya at Ceremonial Exchange of Vows ay pinangunahan ni Rev. Ernie Cereso ng Calamba Pastors Alliance. Binigyang diin ni Rev. Ernie Cereso sa kanyang mensahe sa Homilya, na ang mag-asawa sa oras na sila ay makasal ay kinailangan bumukod sa kani- kanilang pamilya at magtayo ng sariling pamilya. Kinakailangan rin na ang kanilang nadarama para sa isa’t- isa ay unconditional love, na walang hinihinging kapalit, at ipinayo pa rin ni Rev. Cereso sa mag-asawa na “love one another”, upang maging matatag ang kanilang pagsasama. Hindi rin basehan ang magkaroon ng isang magarbong wedding rites upang maging matatag ang pagsasama ng isang pamilya, dagdag pa ni Rev. Cereso.

            Dumalo sa Kasalang Bayan na ito sina City Councilor Ruth Mariano Hernandez, Atty. Robert John Cosico, Senior Vice President for Administrative Sector at Mr. Jerome V. Badiong, Department Manager III ng Pag- ibig Fund Region IV-A Satellite Office. Naghandog ng mga Raffle Prizes at Gifts para sa mga bagong kasal ang Pag-ibig Fund tulad ng Pangkabuhayan Package worth Php 25,000.00 at isang House and Lot Unit ang maaaring mapanalunan ng masuwerteng couple.

            Sa kanyang mensahe, pinasalamatan ni Mayor Justin Marc “Timmy” SB. Chipeco ang Pag- ibig Fund sa kanilang pagsuporta sa Mass Wedding na ito na kanilang taunang isinasagawa sa Araw ng mga Puso. Hangad ng Pamahalaang Panlungsod na maging matatag ang pagsasama ng bawat pamilyang Calambeño sa pamamagitan ng pagpapakasal. Bilang solemnizing officer alinsunod sa itinadhana ng saligang batas ay pinangunahan ni Mayor Timmy Chipeco na sabihin sa mga Groom na “you may now kiss your Bride” na ikinasiya ng lahat. Pinirmahan ni Mayor Chipeco ang mga marriage contract, nagkaroon ng photo booth session with Mayor Timmy Chipeco at namahagi ng mga regalong pair of towel sa bawat couple. Tatanggap rin ang bawat isang couple ng libreng wedding photo with picture frame handog nina Mayor Justin Marc “Timmy” Chipeco at 2^nd District of Laguna Congressman Joaquin “Jun” Chipeco. Mabuhay ang mga bagong kasal!    LOUIE LANDICHO/www.calambacityinformation.blogspot.com