Brigada Eskuwela, Isinagawa

Isinagawa ng Department of Education- Division of Calamba City sa pakikipagtulungan ng Public Order and Safety Office, PNP- Calamba, CCTMO, mga Sangguniang Barangay, mga guro, ilan sa mga volunteers at magulang ng mga mag-aaral ang Brigada Eskuwela sa iba’t- ibang mga pampublikong paaralan sa lungsod. Sinuportahan ang Oplan Brigada Eskuwela nina Mayor Justin Marc “Timmy” Chipeco, Vice Mayor Roseller “Ross” Rizal at Laguna 2nd District Congressman Joaquin M. Chipeco, Jr.

Pinangunahan ni Dra. Eugenia Gorgon ng DepEd- Division of Calamba City kabalikat ang mga guro, principal, magulang at ilan sa mga volunteer sa isinagawang Oplan Brigada Eskuwela sa mga pampublikong paaralan sa lungsod. Ito ay isinasagawa ng DepEd sa tuwing bago magsimula ang School Year, kung saan ay kinukumpuni ang mga sirang gamit at classroom, naglilinis rin ng mga classroom at paligid ng paaralan at inihahanda ito sa pagbubukas ng mga klase. Ang Oplan Brigada Eskuwela ay isang halimbawa ng pagtutulungan ng iba’t- ibang sector ng lipunan para sa kapakanan at kinabukasan ng ating mga mag-aaral.

Pinangasiwaan naman ng Public Order & Safety Office sa koordinasyon sa City Transport Management Office, Philippine National Police at sa mga Sangguniang Barangay ang kaayusan at katahimikan lalo na noong araw ng Hunyo 2 kung saan ay pormal ng nagbukas ang mga klase.
(Mr. Peter Capitan/Louie Landicho)